على فكرة انا من مؤيدي الرئيس السيسي لسبب واحد , ان مفيش غيره حد مناسب دلوقت , وعلى الرغم من عيوبه والمشاكل اللي بقينا عايشين فيها , بس انا شايف ان وجود غيره هيبوظ الحكاية اكتر ماهي بايظة دلوقت .
تطبيق نبض تم اختراقهم ونشر علي حسابات CBC و اكسترا وفاه السيسي في حين ان نفس القناتين لديهم قنوات تلفزيونية وفيس بوك وتويتر ويوتيوب ولم يتم نشر الخبر علي نفس صفحاتهم لماذا ايها البروفيسور ؟؟؟؟؟؟؟
ممكن تطلع لي اخبار تم نشرها في نفس التوقيت في الوسائل دي ؟؟ , مفييييييش
التيم اللي ماسك الصفحة غير القناة غير اليوتيوب غير تويتر , الخ .... ده مجال شغلي من 13 سنة تقريبا , اتعلم بقى المعلومتين دول يمكن يفيدوك :
1- منصات الأخبار بتعتمد على "السبق والسرعة" في نشر الخبر , عشان كده اول حد ينشر أي خبر صحيح , بيبقى اسمه "سبق" صحفي .
2- اعداد المحتوى لليوتيوب للاخبار السريعة , بياخد 4 الى 6 ساعات (وبيبقى سلق بيض) , اعداد الانفوجراف بياخد من ساعتين الى أربعة , ده لو تم الاعتماد على تمبلت مسبق , الخ ...
3- مدير كل تيم بيبقى ليه "توجّه" معين في معاد نشر الخبر , أو ظروف عرضه , أو جاهزية عرضه , كأنه يقطع مسلسل أو فيلم شغال , أو يطلع مذيع أو مذيعة بخبر عاجل , الخ ... وبرضه ما بينفعش في الكلام ده شغل سلق البيض , لازم كام ساعة للجاهزية والمراجعة , فكك من شغل الهواة اللي بيطلعوا لايف ويقولوا اي كلام ويقفلوا اللايف , القنوات التلفزيونية غيييير .
4- من واقع شغلي برضه , فتطبيق "نبض" ده شغال ب API , يعني من الأخر كده مجرد "واجهة" , بيجيب الداتا من السورس ويعرضها , لا ليهم صلاحية للتعديل ولا صلاحية للانتقاء , بمعنى تاني , لو نبض تم اختراقه , فاللي سيطر على ال API هيقدر يتحكم في كل الأخبار التانية لكل المصادر التانية (عارف ده ممكن يجيب فلوس قد ايه بمجرد اللعب على أسعار العملة أو الأسهم , الخ ....؟؟؟, تفتكر اللي يخترقه هيخترق عشان ينشر خبر عبيط مش مؤثر ولا ليه أي لازمة انه يبقى مزيف ؟؟؟) يعني لما واحد يقول السيسي مات , وهو ما ماتش , ايه اللي حصل بقى ؟ ايه الضرر الفشيخ اللي تسبب فيه هو كده للسيسي ؟؟؟
5- هل تعرف انت اي حاجة عن تطبيق نبض ؟ تعرف عملاؤه مين ؟ تعرف كام مصدر "عالمي" مش عربي بس مشترك معاه ؟ اكتر من 1500 مصدر , وعملاء ابتداءا من أول "فورد" , "مرسيدس" , "شركة اتصالات" , "الخطوط الجوية التركية" , الخ .............تقدر توصل لمصادر من خلال سيرش بسيط جدا في جوجل, يعني من الآخر مفيش حاجة اسمها تم اختراق التطبيق , ده اسمه هبل !! بغض النظر ان الشركة نفسها نفت الكلام ده , ومفيش أدلة من الطرف التاني على اختراق التطبيق , كلام مرسل وبس !
ازاي يعني السيسي تعرض لاغتيال من حرس الرئاسه ؟؟؟؟؟ ولما حرس الرئاسة إلي نفذوا محاوله الاغتيال مين إلي انقذوا ؟؟؟؟؟؟
افترضت منين ان كل الحرس اشتركوا ؟ يعني انت كنت معاهم ؟؟؟
ما يمكن اتنين من اللي موجودين معاه من وسط 20 مثلا , والاتنين فشلوا , ايه ما سمعتش عن اغتيالات فاشلة قبل كده ؟؟؟
ثانيا حرس الرئاسة بيبقي زي ضل السيسي يعني لو واحد فيهم عايز يغتاله ممكن يغتاله بنبله مش بمسدس إلي هو بالتأكيد لازم يكون بجيده بنسبه نجاح تكاد تصل ل 100 % وده طبعا علشان يلتحق بالحرس الرئاسي يبقي ازاي فشلت المحاولة ؟؟؟؟
عرفت منين الظروف ؟؟ كنت معاهم ؟؟؟ يمكن اللي حاول يقتله شاف ان الفرصة المناسبة للتنفيذ هي حااااالا , بس ربنا بعت واحد صاحي اكتر مهارة منه قدر يبوظ له المخطط !!
وفي حد بيتعرض لمحاوله اغتيال ويطلع بعدها في التلفزيون وهو مفيهوش خدش واحد
مانت لو قريت التقرير اللي موجود هتعرف ان ده شيء مقصود , ولا هو انت مستنى من الرئاسة اللي تكتمت على الخبر , انها تطلع السيسي رابط دماغه مثلا وحاطط لزقة جروح ؟؟؟
على فكرة انا فرحت جدا انه طلع في الخطاب واتطمنا انه الحمدلله كويس , بس بالنسبة لي في شوية ملاحظات :
1- هو طالع مشتت مش زي كل مرة , شوف الخطاب مرة تانية وقارن كده بين اللي قبله .
2- الموقع ده عمره ما خيّب في اخباره , راجع القديم منها وقااارن , ممكن تسيرش في جوجل باسم الموقع :site:jafaj.net , وشوف تسريباته القديمة , وتواريخها متأرشفة في جوجل امتى , وبعديها بيتم الاعلان بكام يوم عن صحتها .
3- مصادر تانية خالص لا ليها علاقة بده ولا بده , قالت انه في المستشفى , في نفس التوقيت بتاع تقرير الاغتيال ده , وفي نفس الوقت يطلع اخبار من موقعين مختلفين انه "مات" , يعني تلات صدف مستحيل تتجمع (في وجهة نظري).
الخلاصة بقى : السيسي مش إله عشان ما حدش يفكر يغتاله , ولا فكرة الأنقلاب مستبعدة اصلا , من اول الظباط الأحرار لما انقلبوا على الملك فاروق , وبعدين على نجيب , وبعدين (اشاعة ان حسني هو المسؤول عن موت السادات) , وبعدين الجيش لما انقلب على مبارك (اللي كان من الجيش برضه ولا انا بيتهيألي؟)
وبعدين السيسي انقلب على مرسي , الخ .....
بلاش بقى ننكر اللي زي كده , لأن الأخوان أو حتى غير الأخوان اللي عايزين السيسي يمشي هيطلعونا بندافع دفاع أعمى وخلاص , وما بنشغلش دماغنا .